Kanabisa :: Ondorioak eta arriskuak

Kanabisaren kontsumoaren ondorioak aldakorrak dira: euforia arina, gehi lasaitasuna eta barre egiteko bat-bateko gogoa, eta logura arina. Erabiltzaileek gehienetan plazeragatik kontsumitzen dute eta sortzen dien lasaitasunagatik.

Dosi handiek lan konplexuak egiteko gaitasuna zailtzen dute, denboraren eta ikusmenaren pertzepzioa eta bat-bateko oroimena nahasten dute, eta lozorroa sortzen dute.

Ondorio hauek arriskutsuak izan daitezke motordun ibilgailu bat gidatuz gero, edo bestelako makinaren bat erabiliz gero.

Kanabisaren kontsumoaren ondorio fisiko nagusiak, pertsonaren, kontsumitutako kantitatearen eta produktuaren konposizioaren arabera, ondorengoak dira:

• Erritmo kardiakoa handitzen da (taupadak)
  
• Listu jarioa gutxitzen da (aho lehorra)
  
• Odol hodiak dilatatzen dira (begi gorrixkak)
  
• Zenbaitetan, nazka sentitzen da

Nahiz eta kanabisaren ondorio kaltegarriak osasunean, oro har, ez diren beste substantzia psikoaktiboenak bezain garrantzizkoak, arnas aparatua tabakoaren arriskuen mende jartzen da (nikotina eta mundrun toxikoak), porroak tabako eta kanabis nahasketa baitauka. Arnas arriskuak areagotu egiten dira inhalazio egoera batzuetan (ur pipak).

Kontsumitzaileak eta herritarrak, oro har, konturatzen ez badira ere, bilatzen ez diren ondorioak eragin litzateke, erabilera problematikoa agerian jartzen dutenak.

• Kontzentratzeko zailtasunak, gorabeherak eskolan...
  
• Mendetasun psikikoa, batzuetan kontsumo erregular eta sarri baten ondoren agerian jartzen dena: produktua nola lortu izaten da kezka nagusia.
  
• Arrisku sozialak erabiltzailearentzat eta bere ingurunearentzat, substantzia lortzeko legez kanpoko zirkuituekin dituzten kontaktuen ondorioz.
  
• Pertsona ahulenen kasuan, kanabisak haluzinazioak eta beren buruen pertzepzioaren eta kontzientziaren aldaketak eragin litzake: nortasuna bikoiztea, jazarpen sentipena, eta abar. Ondorio hauek estutasun larria eragin lezakete.